თურქეთმა დღესასწაულების გამო სამი დღე 24 საათიანი კომენდანტის საათი შემოიღო, რომ ამით კორონავირუსის გავრცელება აირიდოს თავიდან. ქვეყნის შსს-ს ბრძანების თანახმად, სახლიდან გასვლა აკრძალულია 22 აპრილის 19:00 საათიდან 26 აპრილის 05:00 საათამდე და ის ქვეყნის მთელ ტერიტორიაზე იმოქმედებს.
ეს დღეები, შაბათ-კვირის გარდა, ემთხვევა ეროვნული სუვერენიტეტის დღეს. პანდემიის გამო მიმდინარე წელს საზეიმო ღონისძიებები არ ჩატარდება – hurriyetdailynews-ი წერს.
შეგახსენებთ, რომ რამადანის თვის პირველ დღეებშიც თურქეთში შეზღუდვები დაწესდა.
უკანასკნელი დღეების მანძილზე თურქეთში ეპიდემიოლოგიური სიტუაცია მკვეთრად გაუარესდა, კორონავირუსით დაავადების დღიური მაჩვენებელი 60 ათასი შემთხვევაა. ქვეყნის მოსახლეობა დაახლოებით 83 მილიონია.