ფინეთის პრეზიდენტმა საული ნიინისტომ უკრაინელ კოლეგასთან ვალდიმირ ზელენსკისთან რუსეთ-უკრაინის საზღვარზე დაძაბულ მდგომარეობაზე ისაუბრა – უკრაინული მედია ფინულ Yle-ზე დაყრდნობით წერს. მათ ყირიმსა და რუსეთ-უკრაინის საზღვარზე მდგომარეობის დეესკალაციის ვარიანტები განიხილეს. ფინეთის პრეზიდენტმა ზელენსკის განუცხადა, რომ მისი ქვეყანა მხარს უჭერს უკრაინის ტერიტორიულ მთლიანობას და სუვერენიტეტს.
საული ნიინისტომ სამშაბათს რუსეთ-უკრაინის კონფლიქტზე რუსეთის პრეზიდენტ ვლადიმირ პუტინთან ისაუბრა. მან სერიოზული შეშფოთება გამოთქვა სიტუაციის გამწვავების გამო, რომელიც რუსული ჯარების გადაადგილებას ეხება. მან ასევე, მხარი დაუჭირა კონფლიქტის მოლაპარაკებებით მოგვარების გზას.
შეგახსენებთ, რომ აშშ-ს პრეზიდენტმა ჯო ბაიდენმა 13 აპრილს ვლადიმირ პუტინთან სატელეფონო საუბარში მას უკრაინაში მდგომარეობის დეესკალაციისკენ მოუწოდა და მესამე ქვეყანაში შეხვედრა შესთავაზა.