ხობის მუნიციპალიტეტის სოფელ პირველ მაისში, ჯახუთის დასახლებაში, 80 წლის ბაბუამ 24 წლის შვილიშვილი დანით დაჭრა.
“თაიმერის” ინფორმაციით, ბიჭს ჭრილობები სამზარეულოს დანით გულ-მკერდის არეში აქვს მიყენებული.
როგორც ცნობილი ხდება, შემთხვევას წინ სიტყვიერი დაპირისპირება უძღოდა. დანაშაულის მოტივად ოჯახური კონფლიქტი სახელდება.
არსებული ინფორმაციით, ბაბუა ცხელ კვალზე სამართალდამცველებმა დააკავეს, ხოლო დაჭრილი მამაკაცი ზუგდიდში გადაჰყავთ.