ჩვენი ქვეყნისთვის ეს კარგი არ არის, თუმცა, ამავე დროს, ეს არის აბსოლუტურად არასწორი, ვერ დავეთანხმები ამ შეფასებებს

ძალიან სამწუხარო და არასასიამოვნოა შეფასებები, ჩვენი ქვეყნისთვის ეს კარგი არ არის, თუმცა, ამავე დროს, ეს არის აბსოლუტურად არასწორი, ვერ დავეთანხმები ამ შეფასებებს, – განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარმა ნიკა მელიას დაკავებასთან დაკავშირებულ საერთაშორისო შეფასებებზე საუბრისას.

„რაც არის კანონი ამერიკის შეერთებულ შტატებში, ის არის საქართველოშიც. რასაც ეწოდება იქ შიდა ტერორიზმი, იმას ჩვენთანაც ეწოდება შიდა ტერორიზმი. ჩვენ გაცილებით რბილი ტერმინები შევარჩიეთ, ამერიკისგან განსხვავებით.

რომ არ ეყოჩაღა პოლიციას 20 ივნისს, ზუსტად შეიძლებოდა დასრულებულიყო, როგორც ეს მოხდა კაპიტოლიუმში და არაერთი ადამიანი დაიღუპა. ყველაფერი რომ კარგად ჩატარდა, პოლიციას მადლობა ეკუთვნის. კრიტიკა სამწუხაროა, თუმცა მას ვერ დავეთანხმებით“, – განაცხადა სოზარ სუბარმა.

banner
წინა სტატიაშისუბარი: რასაც მათგან ითხოვს მათი ამომრჩეველი, არის შემოვიდნენ პარლამენტში მათ მიერ მიღებული ხმების შესაბამისად დაიკავონ მათი ადგილები პარლამენტში
შემდეგი სტატიაანა დოლიძე: ხელისუფლება პოლარიზების სანახაობას ვერ გადააყოლებს ქვეყანას