ბრიტანეთის, გერმანიისა და საფრანგეთის საგარეო საქმეთა მინისტრებმა ირანის გეგმა ურანის 60%-მდე გამდიდრების შესახებ დაგმეს.
“ეს მოვლენების სერიოზული განვითარებაა, რადგანაც დიდად გამდიდრებული ურანის წარმოება ბირთვული იარაღის შექმნისკენ გადადგმული ნაბიჯია. ირანს არ გააჩნია სამოქალაქო საჭიროებები იმისთვის, რომ მან ამ დონეზე გაამდიდროს ურანი”, – ამის შესახებ ერთობლივ განცხადებაშია ნათქვამი.
სამივე ქვეყანაში თვლიან, რომ ირანის მოქმედებები დიპლომატიურ ძალისხმევას, რომელიც მიმართულია ბირთვული შეთანხმების გადასარჩენად, რისკის ქვეშ აყენებს.
გუშინ, 13 აპრილს გავრცელდა, რომ ირანი ურანის 60%-მდე გამდიდრებას დაიწყებს. ადრე ირანმა უკვე დაიწყო ურანის გამდიდრება. იმისათვის, რომ ბირთვული იარაღი შეიქმნას, საკმარისია 20%-ით გამდიდრებული ურანი. ირანმა განცხადება მას შემდეგ გააკეთა, რაც მისი ბირთვული ობიექტი დღემდე გაურკვეველი ქვეყნის თვითმფრინავმა დაბომბა.