ბათუმში, გუშინ, 14 აპრილს გვიან ღამით, ე.წ. კომენდანტის საათის დროს, აღმაშენებლის ქუჩაზე აფთიაქი გაძარცვეს.
როგორც “ფარმა სახლის” ხელმძღვანელი, ლიანა კვირკველია ამბობს, წაღებულია დაახლოებით 200 ლარამდე ოდენობის თანხა.
დილიდან ადგილზე სამართალდამცველები მუშაობდნენ, გავრცელებული ინფორმაციით, უკვე ამოღებულია ვიდეოკამერების ჩანაწერები.
შემთხვევა, “ნაციონალური მოძრაობის” ბათუმის ოფისთან ახლოს მოხდა, რომელსაც გუშინ თავს დაესხნენ და შუშები ჩაამტვრიეს.