ზუგდიდის რაიონულმა სასამართლომ, ფრაქცია “ევროპული საქართველოს” თავმჯდომარეს ბათლომე შელიას აღკვეთის ღონისძიების სახით 2000 – ლარიანი გირაო შეუფარდა, 1500 ლარიანი გირაოს გადახდა კი მოუწევს მეორე ბრალდებულს – დავით ღურწკაიას.
პროკურატურა ორივე ბრალდებულისთვის 3000 ლარის ოდენობით გირაოს ითხოვდა, თუმცა მოსამართლემ შუამდგომლობა ნაწილობრივ დააკმაყოფილა.
ბათლომე შელია სამოქალაქო აქტივისტ როსტომ ზარანდიას მიმართ ფიზიკურ ძალადობაშია ბრალდებული და გამოძიება მიმდინარეობს სსკ-ის 126-ე მუხლით,რაც ძალადობას გულისხმობს.
საკრებულოს ოპოზიციონერი დეპუტატი ბრალდებებს კატეგორიულად უარყოფს და მომხდარს პოლიტიკური მოტივით ხსნით.
